ଶ୍ରୀମନ୍ଦିର ସିଂହଦ୍ୱାରକୁ ଛୁଟିବ ଲକ୍ଷ ଲକ୍ଷ ଭକ୍ତଙ୍କ ସୁଅ । ଦାରୁବ୍ରହ୍ମଙ୍କ ଦିବ୍ୟ ସୁନାବେଶ ଦର୍ଶନ କରି ଧନ୍ୟ ହେବ ଚର୍ମନେତ୍ର । ଅପରାହ୍ନ ୫ଟାରୁ ଦୁର୍ଲ୍ଲଭ ଦର୍ଶନର ସୌଭାଗ୍ୟ ଲଭିବ ଭକ୍ତ। ଚଳିତ ବର୍ଷ ସୁନାବେଶରେ ପ୍ରାୟ ୧୫ ଲକ୍ଷ ଶ୍ରଦ୍ଧାଳୁଙ୍କ ସମାଗମ ହେବ ବୋଲି ଆକଳନ କରାଯାଉଛି । ଏଥିନିମନ୍ତେ ପୂରା ଶ୍ରୀକ୍ଷେତ୍ରରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ପ୍ରାୟ ୧୩୮ ପ୍ରକାର ରତ୍ନଖଚିତ ସ୍ୱର୍ଣ୍ଣ ଅଳଙ୍କାର ଲାଗି ହେବେ ଦାରୁଦିଅଁ ।
